港聞

下一篇
上一篇

【Emily Online】車長高難度休息被封「現代楊過」 九巴fb乘機自抽尋高手 (13:12)

噚日網上熱傳一張九巴司機喺巴士站休息嘅相,其實司機休息好平常,最特別係呢位司機嘅睡姿,佢雙手抱胸前豎起一隻腿,就咁睇好似瞓得好舒服,但望清楚其實佢係就咁瞓喺巴士站嘅欄杆上,仲好穩陣咁。

其他報道:「藍鯨」疑滲入香港 50項任務步向自殺 專家:身邊人及早干預最重要

老實講,條欄杆咁幼要企好唔郁都難,佢仲瞓得咁爽,即時被網民大讚係高手,有人即時聯想起金庸名著《神鵰俠侶》中嘅古墓派功夫,仲封佢為「現代楊過」,亦都有人話佢係小龍女傳人添。亦有人搞笑分析,咁樣瞓唔止要平衡力夠好,而且仲可能要一直用股溝夾實,肯定功力深厚咁話。

呢位高手真實身分,至今在江湖上仍係一個謎,但佢所屬嘅九巴公關即時把握機會,喺呢張相瘋傳無耐,就喺官方facebook出咗個post,仲話「無論係古墓派定關公,練得一手好技術,服務大眾,這些機會真係屬於你㗎!」擺明食住個勢招高手做車長。

呢個post仲附有一條短片,唔少人都以為片中司機就係「現代楊過」,點知睇完先發現中伏,原來係九巴搵幾個車長講番服務乘客嘅感受。最特別係其中一個受訪兼職司機竟然正職係民航機師,果真係估你唔到嘅高手;仲有女車長介紹車長休息室,大讚舒服唔使同人逼,片段中仲見到有小型健身室添。

其他報道:梁振英認修改文件交周浩鼎 不介意公開 但應查有人違保密協議

其他報道:瑪嘉烈插導管刺穿動脈後中風 19歲女當護士夢碎 家屬淚憶:靈靈叫大家放棄她

相關字詞﹕九巴 網上熱話 現代楊過 編輯推介

上 / 下一篇新聞