港聞

【短片、多圖:Emily Online】吳克儉訪大嶼山中學 跟學生學跳舞 (19:45)

教育局局長吳克儉下晝去咗大嶼山探訪佛教筏可紀念中學,佢除咗同教師、家長交流外,仲參選咗同學仔嘅課外活動,包括粵劇、舞獅等,更加落手落腳跟同學仔學跳舞、耍纓槍呀!Emily睇見佢喺facebook post咗條跳舞片,局長睇住隔離嘅同學,跟住音樂一齊手舞足蹈,雖然係有啲跟唔上,不過佢哋都笑得好開心。

其他報道:吳克儉:出席商會活動可「加強生涯規劃教育」

佛教筏可紀念中學收咗唔少非華語學生,吳克儉話認同學校校長惲福龍同埋其他老師嘅諗法,透過課堂同埋活動,好似粵劇、舞蹈、運動同清潔沙灘等,畀唔同文化背景嘅同學都可以融為一體,局長覺得咁樣體現到佛學中嘅「互相敬重、和諧合聚、清淨快樂」,仲叫大家一齊實踐「做好事、說好話、存好心」嘅精神。見到局長同同學跳舞跳得咁開心,Emily作為觀眾都覺得幾有娛樂性!

其他報道:研究:愈多家庭溝通愈快樂 18-24歲年輕人最不快樂 女較男高分

其他報道:心光社工涉打宿生臀部 11歲失明事主認不喜歡被告 指被禁參加自己生日會 反問辯方:你覺得佢衰唔衰?

相關字詞﹕編輯推介 吳克儉 教育局

上 / 下一篇新聞