港聞

【Emily Online】白鴿黨話「白鴿問題愈趨嚴重」 網民「抽水」:係好大問題 (23:29)

民主黨一向有「白鴿黨」之稱,而黨內「乳鴿」、兩名中西區區議員許智峯及吳兆康,近日喺區內貼海報,標題係「白鴿問題愈趨嚴重」,結果喺網上變成笑話,有網民笑佢哋:「白鴿黨話太多白鴿」,又有人認同話「係好大問題」,又話海報上提到同動物「和諧共存」口號,好配合民主黨路線。許智峯就同Emily講,出呢張海報預咗畀人笑,但如果有人留意到問題都無妨喎!

其他報道:港大撤「數學/物理」主修 林超英:「不如開間炒股學院喇,我包你有好多學生」

許智峯話,舊中環街市一帶成日有唔少鴿聚集,有啲人會餵飼,但鴿屎會惹起衛生問題,所以提出關注,要求跨部門合作處理。佢喺海報上提出,要求用鳥網、鳥刺等工具對付雀鳥,咁會唔會又引起動物權益人士嘅關注呢?

提倡動物友善政策嘅黨友「鄺神」鄺俊宇就話,其實外國有唔少唔會傷害動物嘅方法,可以減少飛鳥聚集,會搵機會同許智峯研究一下。鄺神又抽水話,作為動物權益發言人,佢都要好好保護「乳鴿」黨友喎!

許智峯就話,佢雖然提出處理飛鴿問題,但亦提出「和諧共存」原則,又話上網睇過,佢提出嘅鳥刺只係一啲凹凸裝置,等雀鳥唔可以喺安裝位置站立逗留,應該唔會傷害到佢哋。

其他報道:蔡堅指瑪麗亦有責任通報 批醫管局「醫生放假」之說是「公關災難」

其他報道:宅女愛打機 容海恩真名玩手遊

相關字詞﹕ 民主黨 白鴿黨 抽水 許智峯 鄺俊宇 編輯推介

上 / 下一篇新聞