港聞

【Emily online】參考蔣麗芸建議? 沙田豐盛苑養兩隻貓捉老鼠 (23:12)

民建聯立法會議員蔣麗芸早前曾經提議養一批流浪貓去後巷捉老鼠,以對付鼠患問題。近日,沙田豐盛苑業主立案法團唔知係唔係受蔣麗芸嘅啟發,喺屋苑養咗兩隻貓,仲出通告通知居民,叫大家唔好嚇親貓貓。

其他報道:籲政府訓練流浪貓捉老鼠 蔣麗芸:貓係老鼠嘅天敵

豐盛苑嘅通告話,因為屋苑範圍內有老鼠出沒,業主立案法團於是養咗兩隻貓,由貓貓喺屋苑內巡捕老鼠,請居民唔好捕捉或唬嚇兩隻貓。

通告一出引起網民熱烈討論,有網民話「一物治一物」,可能有效,但亦有唔少網民認為無乜用,仲話「上年試過,以前的看更說貓很快便被人捉走了」、「不單止見過貓捉老鼠,仲捉雀仔」。

關注開豐盛苑鼠患問題嘅沙田區議員陳諾恆就話,因為豐盛苑近寮屋區,又有一啲居民揼垃圾無包好,所以近期鼠患比較嚴重。佢話,聽過法團有人提議養貓,佢仲以為「講笑」,點知真係養咗兩隻貓。雖然未知成效係點,不過佢就覺得用老鼠藥、加強滅鼠等好似仲實際。

其他報道:涉暴動及燒的士囚4年9個月 公大技術員就定罪及刑期提上訴

其他報道:美容中心職員涉壓胸推銷10萬元療程 辯方質疑事主嫌貴編故事求退錢

相關字詞﹕編輯推介 貓捉老鼠

上 / 下一篇新聞