港聞

【Emily Online】曾俊華探競選時曾到訪團體及小店 談教育認為學前教育關鍵 (22:21)

前財政司司長曾俊華參加行政長官選舉落敗後,雖然無之前咁多露面,但其實都無潛水架,其中一名曾俊華競選團成員梁永樂今日就喺佢「八爪魚家長」嘅fb貼出同曾俊華嘅合照,話車阿sir同曾太探訪競選期間曾到訪嘅團體同小店。

其他報道:亞洲足協起訴廣州恒大 球迷曾舉「殲英犬滅港毒」橫額

梁永樂喺fb貼出同曾俊華同太太嘅合照,佢話「今日做司機,載阿sir伉儷巡遊港九新界,探訪競選期間曾到訪的團體及小店」,其間佢地講開教育,曾俊華話首要係重新整理同鞏固學前同小學教育,尤其0至6歲係關鍵時間,相信只要呢個階段教育成功,之後就容易得多。

帖子仲透露曾俊華講起心目中嘅教育局長係邊個,貼士係教育界紅人,叫大家隨便估下喎,不過同時亦標籤咗「#唔會開估」。

其他報道:兩港女立山黑部訂房無現身 曾傳訊息予旅社稱「雪中迷路」 警一度派8人搜索

其他報道:【約會錦嚢】明愛8招給初約會男女 勿從AA制評定對方品格

相關字詞﹕編輯推介 特首選舉 曾俊華

上 / 下一篇新聞