港聞

【Emily Online】奇妙電視節目表曝光 母親節開台播《帶阿媽去旅行》 (23:38)

有線寬頻旗下「奇妙電視」將會喺下月14日(周日)開台,奇妙電視今日公開咗佢哋14日至21日嘅節目表。Emily發現,星期一至五嘅早上6點至下午5點,19個節目中,18個節目都同財經、股票有關,餘下嘅一個節目係中午12點半播出嘅旅遊節目,如果觀眾想喺中午睇新聞呢?唔好意思,你要轉台喇。

其他報道:【Emily Online】德國駐港領事館教「AA制」德文 網民:抽乾維港啦

不過,鍾意睇有線新聞嘅觀眾唔使太失望,可以喺逢星期一至日、晚上7點半同11點mark實奇妙電視,因為將會有各半小時嘅《新聞最前線》同《十一點最前線》。

早前奇妙電視表明,會喺14日晚8點正式開台,主打合家歡娛樂節目,當晚開台節目係8點播出嘅《星匯奇妙77》,無綫新聞前主播方健儀前日就喺Facebook出post,話佢有份錄影。開台當日亦係母親節,奇妙電視就係8點半播出《帶阿媽去旅行2017》。

另外,劇集方面,奇妙電視就會播出韓劇《同伊》、《浪漫醫生金師傅》同內地劇《六扇門》。不過,《同伊》喺2010年嘅韓劇,當年曾經喺有線電視娛樂台播出,奇妙電視播返7年前嘅劇集,唔知係咪想同大家懷舊呢?至於由奇妙電視自製嘅愛情劇《100 天Best Before》及短劇《男人都愛住家飯》仲未見蹤影喇。

其他報道:地產營業員考試合格男無限重考惹猜疑 揭WhatsApp群組通水答案 7男女涉集體作弊被捕

其他報道:【Emily Online:競選開支】林鄭fb一個月管理費30萬 取消帳戶開支2000元

相關字詞﹕ 奇妙電視 有線 新聞 開台

上 / 下一篇新聞