港聞

【Emily Online】遊樂場多用一式一樣組合設施 全大埔只有兩個獨立鞦韆架 (22:07)

遊樂場係小朋友嘅天地,不過上年民建聯就做咗個調查,抽樣睇下18個公共兒童遊樂場設施,發現好多設施,一係就好陳舊,一係就有破損,已經叫咗有關部門快啲改善,今日民建聯葛珮帆議員再就有關問題做書面質詢,見到遊樂場設施分佈情況,Emily都被佢嚇親,估唔到咁大個大埔區,就只有2個鞦韆架,葵青就連一個獨立攀爬架都無,等到啲小朋友發慌都等唔到喇!

其他報道:【Emily Online】坐骨神經痛復發 葉劉搵中醫針灸治療 

康文署今日就以書面回覆,話喺規劃兒童遊樂場同選取遊樂場地設施時,要顧及多項因素,包括個別場地嘅地形、面積同實際環境、相關國際安全標準、不同使用者嘅需要及相關區議會嘅意見。而現時康文署轄下嘅兒童遊樂場大多採用組合式遊樂設施同活動組件,包括滑梯、鞦韆架及攀爬架,而部分場地亦有提供獨立滑梯、鞦韆架同攀爬架。

不過Emily睇返康文署今日回覆嘅數字,大埔有49個遊樂場,就只有兩個鞦韆架同一個獨立式攀爬架,葵青區有38個遊樂場,但就一個獨立式攀爬架都無,如果啲遊樂場設施再咁一式一樣,就無小朋友再去玩喇。

其他報道:【短片】劉國勳:九巴擬推月票計劃 有望年底落實 九巴發言人:正與政府商討

其他報道:旅發局伙「活現香港」設計中上環導賞團 探索特色街道和小店

相關字詞﹕遊樂場 公園 康文署

上 / 下一篇新聞