港聞

【Emily Online】坐骨神經痛復發 葉劉搵中醫針灸治療 (20:26)

新民黨主席葉劉淑儀今日喺立法會開會時,行路無平日咁順咁穩健,葉太話係坐骨神經痛復發,依家要搵中醫幫佢針灸治療。

其他報道:【短片:梁游被捕】梁美芬:事件超出特權法保護 籲示威者勿視法律為無物

葉太話,以前喺美國讀書時,都已經喺當地搵人幫佢針灸,舒緩坐骨神經痛。葉太仲話,當年美國其實有唔少華人識針灸,指喺加州巧遇前保安司黎慶寧嘅表妹,表妹當時正正喺加州執業,幫人針灸。葉太憶述,嗰時痛到要囡囡Cynthia幫佢拎書包返學,指最痛嘅時候,「腳板掂到地都痛」。

今次坐骨神經痛復發,葉太搵咗讀中醫出身嘅港島區議員林偉文幫手,介紹針灸師。

其他報道:鄭耀棠倡大灣區可如港上網 准看香港電視用WhatsApp 「生活和港沒分別」

其他報道:【重開公民廣場?】《大公報》時評批挑釁法治 質疑有否批准叫「公民廣場」

相關字詞﹕ 坐骨神經痛 葉劉淑儀 新民黨 中醫 針灸 編輯推介

上 / 下一篇新聞