港聞

【母親節】借街頭banner讓街坊表達對媽媽心意 朱凱廸:唔一定用嚟「成功爭取」 (21:51)

母親節就嚟到,有無諗過點樣向媽媽送上驚喜,表達你嘅愛意?立法會議員朱凱廸(阿廸)嘅荃葵青團隊就諗到一個新穎方法,佢哋將會開放阿廸喺區內街頭banner位,畀一眾街坊向媽媽表達心聲。

其他報道:【Emily Online】德國駐港領事館教「AA制」德文 網民:抽乾維港啦

阿廸仲拍咗條片喺facebook宣傳,佢四萬咁口向鏡頭同媽媽講,「我大個仔會生性架喇」,同時邀請葵涌、荃灣同青衣街坊參加呢個「藉著banner說愛意」活動,有興趣嘅街坊可以將想向媽媽講嘅說話(30字以內),連同名字、居住地區、電話等資料,寄去「朱凱廸荃葵青團隊」嘅fb inbox。

阿廸就喺fb留言話,社區每一個設置,都可以係互動空間。Banner位唔一定用嚟「成功爭取」,畀議員「曬命」。只要開放參與,畀大家發表意見,簡單如一個Banner位,就可以變成連結街坊嘅小設置,為整個社區添上一點改變。

搵返資料,其實阿廸團隊已經唔係第一次拎banner嚟玩,上年佢哋就將阿廸選立法會嘅150條banner回收「活化」,變成手挽袋,環保又創意十足。

其他報道:地產營業員考試合格男無限重考惹猜疑 揭WhatsApp群組通水答案 7男女涉集體作弊被捕

其他報道:【短片】發展局長馬紹祥座駕遭打破車窗盜竊 警拘兩內地男子

相關字詞﹕編輯推介 朱凱廸 母親節 成功爭取

上 / 下一篇新聞