港聞

【Emily Online】港大民調公布「十大立法會議員評分」 田北辰第1 (00:12)

香港大學民意研究計劃噚日(25日)公布「十大立法會議員評分」,喺月初退出新民黨嘅田北辰,成為十大議員嘅榜首,有56.1分;排第二同第三位分別係朱凱廸和民主黨涂謹申,前者有52.5分,後者有51.8分。

其他報道:【Emily Online】葉劉競選開支586萬 化妝set頭每次3000蚊

港大民研喺4月以電話隨機抽樣方式,進行有關民調。要躋身「十大議員」嘅先決條件,係巿民嘅熟悉程度,然後再按支持度排名,所以「十大」以外嘅議員,可能有好高或者好低嘅支持度,只係熟悉程度唔夠,所以不在榜內。

市民對香港眾志羅冠聰嘅熟悉程度,無3個月前咁高,所以阿聰跌出「十大議員」,由田北辰取而代之。田北辰係繼去年10月後,再次晉身十大。

新民黨葉劉淑儀、毛孟靜、公民黨陳淑莊,以及民建聯李慧琼分別排第四至第七位,各人得分係48.5、47.9、46.6同44.5分。排第八至第十位嘅議員有民建聯蔣麗芸、劉小麗同社民連梁國雄,佢哋分別有38.2、37.4及36.5分。

其他報道:【短片】楊岳橋等4議員拍片實測中西區交通 揸車、單車、港鐵點揀?

其他報道:張德江訪港3日花500萬元 高前年接待180次政要費用近5倍 禮賓處:審慎理財,每年不能比較

相關字詞﹕ 編輯推介 立法會 民意 港大 田北辰 新民黨

上 / 下一篇新聞