港聞

【短片:Emily online】楊岳橋等4議員拍片實測中西區交通 揸車、單車、港鐵點揀? (16:50)

公民黨立法會議員楊岳橋、譚文豪、郭榮鏗同專業議政姚松炎拍片實測各種交通工具返工所需時間。佢哋同日同時間同路段,由太古城返立法會,究竟有咩發現呢?

其他報道:傳真社:安達邨防火電線不達標 消防裝置或失效 政總、私人住宅都有用

佢哋同時間朝早7點出發,由太古城返立法會,楊岳橋揸車、譚文豪搭港鐵、郭榮鏗同姚松炎就踩單車。

譚文豪7點出發開始搭港鐵,因為係非繁忙時段,車廂仲好鬆動,總共用咗31分鐘就到立法會。不過,譚文豪喺8點鐘再測試,港鐵人流多咗好多,十分擠迫,結果用咗35分鐘,比之前多咗4分鐘。

郭榮鏗同姚松炎就參加咗「天光ride」,踩單車返工。郭榮鏗話有路段車多繁忙,多啲人踩就最穩陣。最後佢哋用咗50分鐘。

至於揸車嘅楊岳橋,用咗21分鐘40秒就到,不過如果係返工返學繁忙時間,可能要一倍時間先會到。

佢哋計過,揸車泊車、油錢、牌費加埋一個月就要6530元;港鐵來回每月335元;單車就唔洗錢,而且係零排放。佢哋最後認為,社會應思考點樣用綠色交通增加路面容量,同多啲踩單車同搭港鐵。

其他報道:新相識男女為AA制大打出手? 「牛角」老闆黃傑龍:女方要求付款 男方拒絕並撕爛500元鈔票

其他報道:奪命車禍出事前一刻天眼片段曝光

相關字詞﹕楊岳橋 譚文豪 郭榮鏗 姚松炎 編輯推介 綠色交通 交通

上 / 下一篇新聞