港聞

【Emily Online】禮賓府5年花近3000萬修葺 三司官邸財政司最慳 (20:21)

財政司長陳茂波今年初上任無耐,就打算花83萬元修葺司長官邸,引起社會討論。建築署近日回覆立法會議員查詢,披露由2012/13起嘅5個財政年度(截至今年2月),特首官邸、即係禮賓府共花2977萬元修葺,政務司長、財政司長同律政司長官邸,就分別花咗375萬元、79萬元同190萬元,但財政司長官邸嘅修葺開支數字,未有包括文首提到嘅83萬元。

其他報道:【愈起愈細】3年間少於215呎私樓單位增一倍半

單計2016/17年度(截至今年2月),禮賓府、政務司長、財政司長同律政司長官邸,分別花費206萬元、29萬元、14萬元同2萬元修葺。

至於修葺費主要用途,禮賓府方面有全面更換屋頂支架同瓦片、翻新泳池同其他各項改善工程,政務司長同律政司長官邸皆以內外牆粉飾同室內裝修為主,至於財政司長官邸,就係修復建築物同地台耗損、更換破損地毯,同修復外牆油漆等。

署方解釋,禮賓府有超過160年歷史,屬於法定古蹟,而政務司長同財政司長官邸亦屬二級歷史建築物,分別有66年和82年歷史,為咗妥善保存歷史建築物,有需要進行適切保養。

署方特別補充,由於財政司長官邸對上一次大型保養已經係2007年嘅事,唔少建築同設施經長年使用後有所破損,所以前財爺年初遷出後,相關部門就建議進行修葺工作。

其他報道:【短片】為何特首選舉帶載有全港選民資料的電腦? 譚志源:這也是我問同事的第一個問題

其他報道:【短片】「7月1日起政制及內地事務局局長另有其人」 譚志源稱傾向不留任

相關字詞﹕ 編輯推介 財政司 陳茂波 建築署 立法會 禮賓府 政務司 律政司 林鄭月娥 曾俊華 袁國強

上 / 下一篇新聞