港聞

下一篇
上一篇

【Emily Online】公眾投票為導盲犬「七小福」命名 正式「拎P牌」 (14:47)

之前由領展「愛‧匯聚計劃」資助香港導盲犬協會嘅「本地繁殖導盲犬」計劃,計劃中7隻本土出世嘅導盲犬狗仔今日終於拎咗「P牌」喇!

其他報道:佔中9被告毋須答辯 5月再訊 辯方盼轉交高院處理

「P牌」講嘅唔係考完車嘅學神車牌,意思係7隻狗仔個名都會係「P」字開頭!喺3月16日到22日期間,唔少市民都已經透過領展嘅「泊食易」手機程式投票,喺香港導盲犬協會提供嘅20個名之中,選咗最受歡迎嘅7個,分別係Popeye、Popcorn、Pasta、Pancake、Pepper、Pudding同埋Pizza。

領展資產管理有限公司主席聶雅倫話,領展對呢7隻狗仔出世感到好鼓舞,因為佢哋代表近年領展同香港導盲犬協會嘅努力成果,而家工作亦到咗收成期,相信嚟緊會再有好消息。

香港導盲犬協會主席周敏姬就表示,由計劃推展到7隻狗仔出世足足兩年幾,今次佢哋出世係一個重要里程碑,對提供咗協助嘅機構同埋人士表示感謝。

2013年領展全線開放旗下物業畀導盲幼犬做訓練,2014年開始「愛‧匯聚計劃」資助香港導盲犬協會嘅工作,包括由海外買入導盲幼犬同埋母犬,亦都資助咗兩位香港導盲犬協會嘅義務顧問獸醫今年去海外接受狗隻人工受孕技術訓練,而且呢個技術嘅成功率比一般嘅人工受孕高架。

而家見到嘅七小福,其實係2014年第一批由海外購入嘅8隻導盲犬中選出黎嘅母犬Eve以人工受孕技術生嘅狗仔。另外兩隻幼犬Dax同Delta已經完成咗訓練,係上年成功配對咗畀導盲犬服務使用者喇。

其中一位使用者軒達臣(Tim Henderson)就話向所有支持導盲犬工作嘅人表示多謝,Dax而家已經係佢忠心嘅伙伴,仲改善咗佢嘅生活好多。

其他報道:梁君彥感遺憾稱議員須向選民交代 郭家麒解釋因塞車遲到

其他報道:林卓廷要求點人數盼等埋郭家麒 立法會人數不足流會

相關字詞﹕領展 導盲犬 香港導盲犬協會 周敏姬 聶雅倫 編輯推介

上 / 下一篇新聞