港聞

下一篇
上一篇

【短片:Emily Online】網民問「盧海鵬試咪」下一句 曾俊華:應該係…… (23:41)

失落特首寶座嘅曾俊華今日喺facebook上載最後一集「你問我答」嘅短片,解答網民問題,佢繼續發揮幽默本色,有人關心佢識得「盧海鵬試咪」,識唔識下一句,佢就話「Well,應該唔話你知嘅,不過應該係XYZAB」,大家又參唔參透到呢?

其他報道:【短片:真‧hea】錄音感謝傳媒 曾俊華:唔理三七廿一真正hea下,江湖再見

之前曾俊華拍片時,有露咗一手多年無彈嘅結他,同飯局朋友一齊唱《浪子心聲》,有網民就問佢,可唔可以唱首歌,佢就笑住話,「唔好喇,CASH(香港作曲家及作詞家協會)已經收咗我好多次錢」。

唔少人都關心,曾俊華退休之後去邊,會唔會轉行做網上KOL(網絡紅人),曾俊華亦都話有同事建議佢賣吓薯片、咖啡或者牛仔褸褲,甚至可能要勞工處舊同事幫佢搵吓工,不過曾俊華就話,主要官員離職後要過一年「冷河期」,佢都有時間再諗吓,亦會認真考慮係咪投入返公共事務。

曾俊華話,依家首先就瞓返幾日,同陪吓屋企人先,佢仲話終於可以睇返場戲,早排大熱嘅《La La Land》(星聲夢裡人)都未睇呀!

最後有人問佢,有無咩同當選嘅林鄭月娥(Carrie)講,佢就話衷心祝福佢,話修補香港撕裂係燃眉之急,相信佢絕對可以做到「We Connect」,同香港人一齊「拍住上」。

其他報道:【多圖:Emily Online】林鄭食早餐茶餐廳 上屆選戰梁振英唐英年都有幫襯

其他報道:【多圖】林鄭樂富食蛋牛治 熱情市民強吻面頰

相關短片:

相關字詞﹕編輯推介 特首選舉 曾俊華 盧海鵬 盧海鵬試咪

上 / 下一篇新聞