港聞

下一篇
上一篇

【Emily Online】競委會首辦宣傳創作比賽 勝出隊伍可到新加坡遊學 (23:13)

繼上星期首次入稟,控告5間資料科技公司涉嫌合謀參與圍標後,競爭事務製員會(競委會)將會首次舉辦「競爭有道」宣傳創作比賽,畀全港中四、中五學生同埋教育創作故事,表達競爭法帶來嘅好處,比賽評判包括競委會主席胡紅玉及藝人陳慧珊,贏出比賽嘅3隊,仲可以去新加坡遊學呀!

其他報道:【短片:真‧hea】錄音感謝傳媒 曾俊華:唔理三七廿一真正hea下,江湖再見

「競爭有道」宣傳創作比賽由競委會主辦,教育局協辦,全港中四、中五或其他學制嘅同級學生,都可以組成1至3人隊伍,由老師帶領參加,以寫作、漫畫、動畫或影片形式,創作故事表達競爭嘅重要性,同埋《競爭條例》點樣維護平等競爭環境。

比賽喺4月13日截止報名,競委會3至4月會為參賽學生同埋老師舉辦工作坊,介紹《競爭條例》嘅主要內容,遞交作品嘅截止日期就係5月15號。贏得大獎嘅3隊參賽隊伍,除咗各可獲一座獎盃,同埋隊員同帶隊老師可獲獎狀外,仲可以參加三日兩夜新加坡遊學團,而所有參賽學生都可以獲頒參與證書,帶隊老師亦會有感謝證書,得獎作品仲會上載到競委會同Young Post嘅網站。

參加呢個比賽又學到嘢,獎品又咁吸引,如果Emily唔係超晒齡都想去報名,比賽詳情已經上載到www.compete.hk,有興趣嘅同學仔可以去睇下。

其他報道:4份標書錯字相同揭發 競委會首入稟 控IT公司圍標

其他報道:競投女青合約5科技公司涉圍標 法庭准涉事員工投訴人身分保密

相關字詞﹕競爭事務委員會 競委會 競爭條例 競爭有道 新加坡 遊學 競爭法 胡紅玉 陳慧珊

上 / 下一篇新聞