港聞

【短片:Emily Online】胡國興睇打氣留言感激又感動 稱將轉移「小陣地」至個人fb (18:25)

特首選舉噚日已經結束咗,其中一位候選人胡國興以21票落選,佢今日喺facebook上載咗一條片,感謝唔同人對佢嘅支持,又話嚟緊陣地會轉移去自己嘅個人fb,希望大家可以去follow佢咁話!

其他報道:港鐵凍結票價一年 連同九七折優惠 每程可省0.1到0.8元

胡國興喺條片度話,要再一次多謝所有畀咗票佢嘅選委,又要多謝無投票畀佢,但心裏面有佢嘅選委,同埋手中無票,但係一路支持佢嘅香港市民。胡國興話,佢睇咗大家為佢打氣嘅留言,覺得好感激同感動。

胡國興而家清理緊佢嘅競選辦,嚟緊「小陣地」就會轉去自己嘅私人fb,會喺果度同大家分享下自己嘅生活點滴,仲可能會有有趣或者有意義嘅事同大家分享,希望大家可以去follow佢咁話!

其他報道:前學民成員李俊霖出席林鄭慶功宴 黃之鋒:非常失望

其他報道:英華仔犧牲溫習時間 挺身揭發訓練營不當:尊嚴比成績重要

相關字詞﹕ 特首選舉 胡國興 編輯推介

上 / 下一篇新聞