港聞

下一篇
上一篇

【Emily Online:首位女特首】林鄭勝選低調慶功 司機G4亦獲邀 (20:47)

特首候選人林鄭月娥取得777票勝出選舉,競選辦上上下下辛苦咗兩個幾月,當然唔少得慶功。噚日林太大約4點鐘,就同競選辦成員喺會展旁邊嘅君悅酒店內book咗間房搞個小型慶功宴,約50至60人出席,林太丈夫林兆波及大仔林節思,選舉期間唔算好高調,但慶功宴當然都有出席,其他競選辦成員,好似副主任陳清霞、陳勇、陳振彬,信和置業主席黃志祥及兒子黃永光等都有出席。

【短片:Emily Online】林鄭競選團成員台上恰眼瞓? 後排暖男出手相扶

有與會者同Emily講,林太似乎都好高興,喺宴會上開香檳慶祝,而林太今日一早就企咗半日拉票,相信都好攰,但喺慶功宴期間,完全都無坐過,不斷同競選辦人員合照,有與會者形容,林太都好有情義,今次慶功宴,呢兩個幾月車佢周圍去嘅司機,以致政府分派嘅G4,都獲邀出席,林太亦逐一致謝同合照。據聞宴會上唔少人都輪流同林太合照,搞到都有人提醒,要畀全日無食過嘢嘅林太食吓三文治先。

今次呢個慶功宴都係低調舉行,大約為時1個多小時,據聞席間亦有人向林太老公林兆波講,希望佢日後都多啲出席呢類應酬宴會,笑言今次選舉咁大場面都見過啦,但似乎林兆波都比較低調喎。至於林太大仔林節思,原來星期五晚夜機先返香港為媽媽打氣,聽日一早就會飛返北京,所以林太喺慶功宴度都話,今晚都要抽時間陪吓老公同阿仔。至於林太細仔林約希,據知目前正喺美國哈佛大學攻讀博士學位,選舉期間亦無現身。

特首投票日相關報道:

明報特首選舉專頁

【emily online】林鄭背後的女人是誰?

fb上載與曾俊華合照 田北俊:輸咗,可以企起身再來過

曾鈺成:中央既然非常信任林太 應予空間治港 釋「西環治港」疑慮 

【短片】田北俊:林鄭若邀請泛民重量級人士入行會 有利施政暢順

鄭家純聽醫生建議 免舟車勞頓沒到場投票 林鄭777票當選

【林鄭當選】中聯辦恭賀當選 港澳辦稱中央將履行任命程序

葉劉致電賀林太當選 指曾俊華透露十分疲倦 讚胡官奮勇作戰到最後

【特首決戰】1186選委投票 投票率99.33%

【短片+多圖:首位女特首】政研會辦嘉年華慶林鄭當選 熱唱《喜歡你》改編歌「長官你」

相關字詞﹕編輯推介 特首選舉

上 / 下一篇新聞