港聞

下一篇
上一篇

【短片:Emily Online】林鄭競選團成員台上瞌眼瞓? 後排暖男出手相扶 (19:56)

林鄭月娥以777票當選下任特首,佢喺台上發表勝選感言時,企喺佢丈夫林兆波身邊、一個年輕嘅競選團女成員,唔知係咪喺選舉前夕捱通宵,竟然疑似恰眼瞓,成個人搖搖吓好似就跌咁,好彩得到後排嘅暖男同事伸手扶住,呢位女成員先不致跌低。Emily見佢攰成咁,都希望佢今晚返去有得好好休息吓啦!

其他報道:明報特首選舉專頁

呢位攰到企喺度都差啲瞓着覺嘅女士,其實起初都仲好專注咁聽住林鄭月娥發言,但佢對眼後來愈合愈埋,個身就搖搖吓好似企唔穩咁。企喺佢右後方嘅四眼暖男,初時輕輕拍咗佢手臂幾下,同佢傾咗幾句,佢都好似清醒返一陣。

不過呢位女士之後再次恰眼瞓,身體仲愈搖愈勁,後面暖男見狀即刻伸手扶住佢條腰,女士先不致跌低。暖男後來仲用自己雙手,扶住女士嘅兩邊手臂幫佢企穩,女士後尾先至清醒返。其實Emily同埋公司同事今朝都好早起身,完全明白林太競選團呢位女成員點解咁攰,希望佢幫助林太完成競選工程之後,返去可以唞返夠本啦!

特首投票日相關報道:

【多圖:首位女特首】林鄭月娥777票當選行政長官

【林鄭當選】中聯辦恭賀當選 港澳辦稱中央將履行任命程序

聞「777票」臉色一沉? 林鄭指非常榮幸開心 嘆臉部表情被放大演繹

葉劉致電賀林太當選 指曾俊華透露十分疲倦 讚胡官奮勇作戰到最後

【多圖】曾俊華籲港人不要移民續發夢 推薦團隊物有所值:識得就睇睇呢班人

相關字詞﹕特首選舉 特首跑馬仔 選戰之後 林鄭月娥 競選團 林鄭競選團 睡覺 打瞌睡 競選 暖男 編輯推介

上 / 下一篇新聞