港聞

下一篇
上一篇

【Emily Online】發動「如果我有票」活動 胡官籲支持者自拍轉fb頭像 (21:52)

周日就係特首選舉大日子,雖然今次唔係一人一票選特首,但係3位候選人曾俊華、林鄭月娥及胡國興都頻頻落區,配合網絡攻勢爭取民意支持,其中「胡官」今日就喺fb專頁呼籲支持者自拍轉頭像,表明「如果我有票,我投3號胡國興」,話要「相信網絡世界嘅力量」。

其他報道:【特首選舉】選戰最後倒數 曾俊華明日巴士巡遊 海怡廣場出發終點愛丁堡廣場

胡官上載圖文透露,見到唔少支持者自拍表態支持,於是發起「如果我有票」行動,希望「胡粉」自拍或者轉頭像多多支持,「如果你都相信自己,相信網絡世界嘅力量,相信滴水可以穿石,請不要吝嗇你嘅一『拍』」,胡官仲標籤咗擴大選民基礎、最終達至雙普選、如果你哋真係有票就好喇等,表明自己如果當選要重啟政改嘅決心。

其他報道:明報特首選舉專頁

其他報道:【特首選舉】陪林鄭探板間房長者 周永新澄清非支持對方:任何一個候選人想同我傾,我都同意

其他報道:【特首選舉】民建聯民調:林鄭管治能力勝曾俊華 曾俊華「綜合能力」稍勝

相關字詞﹕編輯推介 特首選舉 胡國興 如果我有票

上 / 下一篇新聞