港聞

下一篇
上一篇

【短片:Emily Online】金像獎二次創作拍片 「鄭中基 X 金像女神」拍住上 曾俊華留言讚好:支持香港電影 (19:54)

拍住上、同行、行正路,每位特首候選人,都有代表自己嘅口號,隨住特首跑馬仔進入最後直路,廣大市民對幾位候選人嘅宣傳攻勢已經耳熟能詳。Emily估唔到金像獎都大玩二次創作,今日(23日)就上載咗拍住上系列短片,由今屆大會司儀鄭中基同金像女神拍住上,分享對電影及金像獎嘅睇法,連「原創者」曾俊華都留言讚好。

其他報道:金像獎特刊封面曝光 候選影帝影后黑白配 鮑起靜型到爆

其他報道:短片:林鄭偕周永新探板間房長者 自言相識幾十年 認同最重要改善市民福祉

4月9日就係第36屆香港電影金像獎頒獎典禮嘅大日子,仲有唔夠3個星期就舉行喇,Emily一向都係電影迷,每年都期待主辦單位頒獎禮前影嘅明星靚靚造型照,點知今年佢哋食住特首選舉個時機,大玩二次創作。今日金像獎facebook上載段短片,「暴龍哥」分享同金像女神嘅認識過程,無論鋪排同拍攝手法都「99%仿真」曾俊華嘅拍住上宣傳片,引嚟網民熱議。

金像獎就喺fb留言,「希望各位影迷、電影工作者在未來能和香港電影繼續一同拍住上」,隨咗有唔少網民讚好,就連薯片叔叔都現身留言表明支持香港電影,「希望大家能繼續和一眾有心有力的電影工作者一同拍住上!」金像獎就回應話,「金像獎真係一人一票架曾生」,互動相當抵死拍住上。

其他報道:明報特首選舉專頁

其他報道:曾俊華自言是唯一符「港人擁護」條件的候選人

其他報道:林鄭到天水圍與基層組織閉門會面 主動就早前失約致歉

相關字詞﹕ 金像獎 鄭中基 金像女神 拍住上 香港人拍住上 特首選舉 曾俊華 編輯推介

上 / 下一篇新聞