港聞

下一篇
上一篇

【Emily Online】田北辰追問為何批評自己「唔知建制定泛民」 林鄭:係有「講笑成分」 (23:11)

特首候選人林鄭月娥早前接受報章訪問時,形容「其實我本性都係有幽默感同埋幾好玩嘅人」,原來林太亦成日講笑,不過似乎其他人聽完佢嘅言論,就唔覺太好笑。Emily聽聞,新民黨上周六同3個特首候選人見面,其中林太嗰場,新民黨副主席田北辰就問到,林太去年點解要公開批評佢,但林太又回應話,批評田二少都係「講笑」喎!

其他報道:【特首選舉】心水特首? 李嘉誠:最看重與中央合作得好 女媧補天作例 信撕裂可克服

有新民黨中人透露,田二少會上問林太,知唔知自己民望低係咩原因,林太就回應話,因為佢上屆喺政府處理唔少爭議事件,田二少就反問林太,會唔會考慮吓,其實民望低可能同佢政治敏感度不足有關,仲舉例重提舊事,指林太上年曾公開話田二少「唔知建制定泛民」,其實會令人聽完對林太好有意見。林太就回應話,當日嘅說話其實係有「講笑成分」,仲叫田二少唔使太認真。

話說,上年4月扶貧委員會商討修訂貧窮線,內容喺開會前就被傳媒報道,而時任政務司長兼扶貧委員會主席林太見記者時,話扶委會無任人唯親,委員來自不同界別,「有泛民同建制議員,不過田北辰,有時都唔知佢係建制定泛民」。Emily就呢個說法向田二少求證,佢證實林太的確喺新民黨會面上有回應事件,形容當日只係「講笑」。

林太都唔係第一次講笑,佢本月初出席記協論壇時,曾形容港台電視「唔掂」,但幾日後就澄清其實話港台唔掂嘅說法係「少少講笑」。特首候選人仲有曾俊華同胡國興。

其他報道:明報特首選舉專頁

其他報道:【特首選舉】曾俊華:2012獲京官鼓勵留任財政司長 指辭職因與梁振英關係「到一個點」 沒參與放催淚彈決定

其他報道:【特首選舉】李慧琼:泛民選委為反中央而支持曾俊華不理性

相關字詞﹕ 編輯推介 特首選舉 田北辰 林鄭月娥 新民黨 幽默感

上 / 下一篇新聞