港聞

【Emily Online】中大漢堡包只賣畀「精英學生」? 餐廳:與新傳系學生合作社會實驗 (18:31)

大學餐廳竟然有階級歧視?有網民今日上載一張中文大學西餐廳嘅宣傳單張,上面寫住有一個「Elite Special(精英特選)」嘅漢堡包餐,講明只限法律系、環球商業、醫科等學生先可以點呢個餐,引來唔少網民嘩然,仲鬧有關做法「太過分了」、「同歧視無分別」。

其他報道:【中醫教路】辛夷花薄荷蜂蜜茶 先聞後飲紓緩春咳

呢張傳宣單張係來自中大鄭裕彤樓西餐廳The Stage,單張上面話,佢哋正推出一個專為中大精英而設嘅漢堡包餐,而何謂中大精英呢?單張就解釋,凡係就讀環球商業、國際貿易與中國企業、計量金融學、計量金融與風險管理科學、藥劑學、醫科同法律系嘅學生,憑學生證就可以點呢個餐。

正當Emily想去試食之際,The Stage嘅餐飲經理Fermi就話畀Emily知,呢個特選餐已經完結,又話呢個餐只做一日,其實係一個同中大新聞與傳播學院學生做嘅社會實驗,想睇下大家對階級問題有咩睇法同反應,仲話即使你想點呢個漢堡包餐,佢哋都無預備呢個漢堡包,佢又話,今日收到好多人查詢,問佢地點解要咁做咁離譜,無諗過大家反應會咁大,之後會再喺facebook同大家交代。

其他報道:【巴西黑心肉】5出口到港肉商名單曝光 主要供應雞豬牛內臟

其他報道:【巴西黑心肉】大家樂停售焗豬扒飯、烤雞及雞翼 譚仔停售牛肉、麻辣豬耳

相關字詞﹕中大 中文大學 神科 法律 環球商業 醫科 漢堡包 社會實驗 新傳 精英 歧視 編輯推介

上 / 下一篇新聞