港聞

【Emily Online】外交部駐港公署fb專頁上線 稱將「積極回應網民關切」 (12:05)

中華人民共和國外交部駐香港特別行政區特派員公署嘅facebook專頁,尋日正式上線喇!佟曉玲署理特派員喺專頁上線嘅時候,仲話會「積極回應網民關切」添。

其他報道:立會垃圾桶縱火案 「佔中輔警」楊逸朗判囚2年擬上訴 官:政治理想多崇高亦不能違法表不滿

公署facebook專頁噚日上線嘅時間,佟曉玲署理特派員、胡建中副特派員同宋如安副特派員特別舉行咗一個開通儀式,一齊撳制,送出專頁嘅首條帖文。

雖然專頁只係上咗線一日,但就已經好快拎到「藍剔」認證,而家有大約有200個讚好。

佟曉玲話而家中國已經係「世界網民第一大國,社交媒體已走入每個人的生活,在信息傳播中的作用日益重要」,形容今次呢個facebook專頁上線為佢哋嘅工作「插上了翅膀」,同香港人溝通時多咗一個新平台。

佟曉玲仲話呢個專頁嚟緊會「介紹國家發展、外交工作、涉港外交、中華歷史與文化等內容,歡迎廣大網民與公署賬號互動,講好中國故事,宣介中國外交」,仲會「積極回應網民關切」添。

其他報道:港禁巴西凍肉進口無禁售 四大超市下架 大快活停售叉燒

其他報道:【特首選舉】孫明揚不同意暗票下曾俊華有機勝出 指林鄭背「中聯辦背後發功」原罪 若當選管治困難

相關字詞﹕外交部 外交部駐港公署 加強溝通 網民 編輯推介

上 / 下一篇新聞