港聞

【Emily Online】林鄭fb 5日沒更新被嘲disconnect 競選辦:出帖沒規律,指控無需要 (15:25)

有網民發現特首候選人林鄭月娥競選辦官方facebook專頁,自從上星期三(15日)之後再冇更新,引起網民問林太「係咪同網民disconnect咗?」

其他報道:明報特首選舉專頁

Emily就搵林鄭月娥競選辦公關團隊成員、前中電公關「一姐」麥黃小珍(麥太)傾兩句,了解下情況。麥太話林太當然唔係同網民「disconnect」,本身林太冇私人fb,擔心親力親為冇時間,到後來競選辦都想聽下網民意見,就開咗fb,但「小編」休息幾日又被人鬧,麥太認為好多揣測、擔心同指控都係無需要。

麥太又話,據佢了解fb無一個正常節奏去發布消息,無規定幾耐就要出帖更新狀態,「有嘢咪上多啲,冇嘢咪唔上,好自由嘛」。麥太強調,競選辦主動去開fb專頁,目的係想促進溝通,真正做到「connect」,遲啲都會繼續發布消息,只係冇一定嘅規律同規格。作為fb team嘅主管,佢冇要求其他管理員每日出帖嘅數目。

對於名為「鏡頭以外」嘅fb專頁一篇匿名文章話,林太競選辦對於傳媒查詢「不聞不問不回應」,甚至連查詢林太翌日競選行程,通常都會得到「簡潔到一個點」嘅答覆,甚至追問多少少詳細資料就再冇下文。麥太指傳媒聯絡群組有幾位同事,前副廣播處長戴健文主要負責聯絡傳媒,佢自己就甚少收到傳媒查詢,但收到電話都會盡力覆,因為同媒體關係互相配合,「睇唔到咩原因要特別令你哋(傳媒)難做」。

佢又話嗰篇文章提及嘅幾件事,覆查後確實係有發生,但對於個別傳媒所問嘅問題,佢哋未必會喺番大群組回答,反而私下同個別記者直接溝通。至於活動資料,麥太就解釋話如果係自己活動就會畀晒詳細資料,但唔係競選辦組織嘅活動,有時候都唔方便講太多資料,因為唔知主辦單位點通知傳媒,「唔方便叉落去」。

麥太仲話歡迎傳媒「有咩咪打嚟」,會用盡辦法配合媒體報道。

另外兩位特首候選人為曾俊華、胡國興。

其他報道:傳媒不滿查詢無回應 林鄭競選辦致歉 fb自上周三無更新 網民質疑:係咪Disconnect咗

其他報道:【多圖】林鄭丁太被指好似樣 網民:加埋陳甘美華猶如三姊妹

相關字詞﹕特首選舉 林鄭月娥 林鄭辦公室 特首跑馬仔

上 / 下一篇新聞