港聞

下一篇
上一篇

【Emily Online】傳媒不滿查詢無回應 林鄭競選辦致歉 fb自上周三無更新 網民質疑:係咪Disconnect咗 (13:08)

以要同市民「connect」同行作為競選口號嘅特首候選人林鄭月娥,自從15日(上周三)之後,林鄭辦公室facebook專頁再冇更新,最後一篇帖文係「重遊中西區」,引起網民問林太「係咪同網民disconnect咗?」

其他報道:明報特首選舉專頁

不過,唔只網絡世界,Emily好多行家朋友都問林太競選辦公關係咪唔再與傳媒「同行」。一個有關傳媒嘅facebook專頁「鏡頭以外」,就有一篇題為「我們在跟一個怎樣處事的團隊打交道」嘅文章,文章提到,林太傳媒聯絡團隊間中總會出現disconnect情況,例如有行家個別查詢競選辦嘅回應,但多數係「不聞不問不回應」,甚至連查詢林太翌日競選行程,通常都會得到「簡潔到一個點」嘅答覆,甚至追問多少少詳細資料就再冇下文。

呢篇文章引來好多反應,短短10幾個鐘就有近2000個讚好,400多個分享。林太傳媒聯絡whatsapp群組其中一個管理員、前中電公關「一姐」麥黃小珍(麥太)就終於connect番大家,係帖文下面留言稱「各位媒體朋友,如果我們什麼地方做得不到位,我代表我團隊道歉。只有7天便是競選日,我們會繼續努力,改善與各位的聯繫,謝謝」,同時都喺whatsapp群組致歉。

Emily就搵過麥太傾兩句,佢話林太當然唔係同網民「disconnect」,只係fb無一個正常節奏去發布消息,無話幾耐就要出帖更新狀態,「有嘢就出,冇嘢咪唔出,好自由嘛」。麥太強調,競選辦主動去開fb專頁,目的係想促進溝通,真正做到「connect」,遲啲都會繼續發布消息,只係冇一定嘅規律。

對於傳媒話競選辦唔回覆查詢,麥太就話好歡迎傳媒直接打電話來傾下偈,佢哋會用盡辦法配合。

特首選舉候選人還有曾俊華及胡國興。

其他報道:【多圖】林鄭丁太被指好似樣 網民:加埋陳甘美華猶如三姊妹

其他報道:周梁淑怡票投曾俊華 鍾國斌稱自由黨不綑綁 個人傾向曾俊華

其他報道:21選委發問九成泛民 劉國勳:問題收集箱放中央難找到

相關字詞﹕特首選舉 林鄭月娥 林鄭辦公室 編輯推介

上 / 下一篇新聞