港聞

【多圖:Emily Online】林鄭丁太被指好似樣 網民:加埋陳甘美華猶如三姊妹 (12:49)

特首選舉嚟緊呢個星期日(26日)就會有結果,政府今日公布,委任郵政署長丁葉燕薇出任候任行政長官辦公室秘書長。Emily望咗丁太張相一眼,即時覺得好熟面口,咦,丁太原來同大熱特首候選人林鄭月娥一樣係短髮戴眼鏡,望落真係有幾分相似。

唔止Emily咁諗架,唔少網民一樣發現到,仲話喺政府,其實曾經仲有一個人同林鄭月娥好似樣,就係同樣服務政府超過30年、舊年先退休嘅前民政事務總署署長陳甘美華喇,仲話如果佢哋3個企埋一齊,真係猶如3姊妹合照咁添。

據Emily所知,確曾有新晉記者喺公開活動認錯人,追住陳太當係林太,搞到現場好鬼尷尬呀。

咁查番資料呢,3人之中丁太年紀最細,1963年出生嘅佢今年54歲,林鄭月娥就1957年出世,未過生日芳齡仍只係59歲,至於陳太就1956年出世,如3人真係姊妹呢,陳太就算係大家姐啦。

特首選舉候選人還有曾俊華及胡國興。

其他報道:明報特首選舉專頁

其他報道:【選委fact check】高教界選委呂秉權:習近平案頭非常整潔 林鄭點評價習主席張枱呢?

其他報道:【Emily Online】義工南丫島救10流浪狗 發哥幫手推車運送 網民:如果佢係特首就好

其他報道:【Emily Online:超窩心】相處講quality 曾太為曾俊華加枱燈看fb留言 陪同落區被集郵

相關字詞﹕編輯推介 林鄭月娥 特首選舉 政府 丁葉燕薇 陳甘美華

上 / 下一篇新聞