港聞

【Emily Online:超窩心】相處講quality 曾太為曾俊華加枱燈看fb留言 陪同落區被集郵 (16:38)

特首候選人曾俊華(John)下晝落區,佢太太曾黃蓮華亦有隨行。曾太同Emily講,最近John為備戰選舉十分忙碌,夜咗返屋企。曾太仲話,John晚上番屋企之後,都會睇facebook留言,所以特登加咗盞枱燈畀丈夫,等佢唔好睇壞眼啊。

其他報道:【短片:特首選舉】取消視察天水圍墟市被轟「誠信破產」 林鄭致歉指有溝通誤會 稱盼下周往訪

曾太一向低調,但落區時都有唔少市民認得佢,走埋去同曾太交流。其中,支持者謝先生同曾太講,自己成日上曾俊華facebook表達訴求,但慨嘆:「我哋小市民聲音邊有人聽到呀?」曾太馬上話:「聽到㗎,John日日都睇留言!」

曾太又透露,John晚上番屋企之後,臨瞓前都會睇facebook留言,所以曾太特登加咗盞枱燈畀丈夫,免得John睇壞眼,「佢張書枱有3盞枱燈喇而家」。

謝先生事後同Emily講,話覺得曾太親和力十足,「好少見呢啲政治人物,曾太好好人」,希望曾太可以煲下湯水畀曾俊華飲,保下身子。

曾太同Emily講,丈夫為選舉好忙碌,的確係少咗見面,但佢哋嘅相處時間講求「quality (質素)」,所以完全無問題。

特首候選人還有林鄭月娥及胡國興。

其他報道:明報特首選舉專頁

其他報道:【短片:好人好事】屯門公路電單車遭胎面纏住 拖車司機義助解困:「職業病」,不是工作範圍也幫忙

其他報道:有勇氣向北京說不? 林鄭:我都幾出名係好有勇氣的人

其他報道:捐款助警遭惡搞 向太微博發炮:P圖者不得好死

相關字詞﹕編輯推介 特首選舉 特首跑馬仔 曾俊華 曾黃蓮華

上 / 下一篇新聞