港聞

【Emily Online】芝味蘑菇安格斯「賣斷市」 4日售28萬個包創麥記紀錄 (23:14)

麥記上個禮拜四(9日)推出3個新包,合稱The Signature Collection系列,有朋友話畀Emily知,其中一款幾乎「賣斷市」,我當堂嚇一跳,滿以為賣晒只係「個別事件」,唔需要說三道四評論啦,點知麥記公關今日(13日)話畀Emily知,新包推出4日,芝味蘑菇安格斯「市場反應遠超預期」,賣出接近28萬個創紀錄,其中有餐廳一日賣超過700個呀!

其他報道:迪士尼「探索家度假酒店」4月底開幕 本周起作營運測試

麥記話,因為群情太洶湧,部分分店嘅芝味蘑菇安格斯「賣斷市」,不過就承諾會盡快安排恢復供應,而為咗滿足「粉絲」,更加喺facebook專頁不斷更新全港分店供應情況。

不過,網民似乎唔多滿意,唔少人留言「畀返板燒雞腿包我」,亦有人要求重推將軍玉子漢堡及至尊漢堡,睇嚟麥記都要再諗諗計仔喇!

其他報道:陳志雲爆直播拳賽無綫要主辦方付錢 嘆觀眾無緣直擊曹星如19連勝 無綫:無中生有 

其他報道:【美食車】稱會汲取經驗改良政策 蘇錦樑:有營運者表示非常成功 

相關字詞﹕麥當勞 芝味蘑菇安格斯 賣斷市 板燒雞腿包 編輯推介

上 / 下一篇新聞