港聞

【Emily Online】李嘉誠派「金片」心經 市值300蚊 (19:44)

長和系主席李嘉誠今日主持李嘉誠基金會活動,活動後話唔會提名任何人做特首,但一定會投票。基金會公關喺李嘉誠離開之後,向出席者派發一張「摩訶般若波羅蜜多心經」做紀念品,不過呢張唔係普通心經,而係由1克純金印製,並已過膠嘅金片,以市值計達300蚊。

「心經」金片尺寸大約係一張商業卡片大小,過埋膠比一張A4紙厚少少,由一個印上「內藏《心經》金頁 祈願心無罣礙」嘅小信封裝住。公關話,金片以市值計大約值300蚊,喺日本特製,但強調其實經文內容比金片價值更有意思咁話。

其他報道:李嘉誠:不提名任何人但一定投票 指下屆特首應落實一國兩制維護法治

其他報道:【城市論壇】學者倡設基金助年輕人解居住問題:每年每人派一萬元

相關字詞﹕ 李嘉誠 編輯推介

上 / 下一篇新聞