港聞

【特首跑馬仔】曾俊華指競選非靠公關包裝 「好多嘢係包裝唔到」 (08:56)

特首選舉提名期已經展開,特首參選人曾俊華繼續接受媒體訪問。雖然自己的競選公關工作多次被讚賞,但他接受《信報》訪問時表示,競選工程非單靠公關手段或包裝,「你可以呃到三、四個人,但要呃幾百萬香港人,我相信係困難的」。他亦提到,不同參選人代表不同價值或個人性格,「好多嘢係包裝唔到」。

曾俊華又說,團隊重要,因為一個人不可能兼顧所有事情。他重申,要取得150個提名入閘,須有民主派選委支持,承認路途「好崎嶇」,惟參選過程須保持很大決心,形容自己動力來自市民。

曾俊華續指,幾個參選人政綱差不多,「我哋出咗,其他人出嘅又熟口熟面。但我覺得咁係ok,我提出嘅嘢,若其他人做特首推出來做,我都是歡迎的」。

至於在網上眾籌競選經費,曾俊華指,要改善氛圍,不是等到上任時才做,推動眾籌就是希望市民覺得自己有份參與。他承認,高民望可以消耗得很快,接受民望下跌是會發生的事,「所以要善用」。

其他報道:七警今日判刑 撐警團體法院外貼辱罵法官標語

其他報道:蔣麗芸要求調高冷氣溫度 代主席新手郭榮鏗冇托手踭 fb#無辦法畀溫暖你

相關字詞﹕編輯推介 特首選舉 特首跑馬仔 曾俊華

上 / 下一篇新聞