港聞

【Emily Online】蔣麗芸要求調高冷氣溫度 代主席新手郭榮鏗冇托手踭 fb#無辦法畀溫暖你 (08:46)

擔任法律界立法會議員多年的內會副主席公民黨郭榮鏗,噚日首次做立法會大會代主席,首個處理嘅議員問題,就係民建聯議員蔣麗芸提出要求調高冷氣溫度。

其他報道:【Emily Online:七警罪成】何君堯對判決感難過 形容七警情有可原 對示威者「小懲大誡」 

話說噚日立法會大會辯論《施政報告》致謝動議,講到下晝5點左右,本來輪到民主黨黃碧雲發言,不過蔣麗芸突然向代主席郭榮鏗話,議事廳溫度好似得番19度,要求調高少少。郭榮鏗指會同秘書處理,蔣麗芸亦有禮貌咁回應「唔該」。

郭榮鏗事後喺facebook同大家「開心share」呢次「處女作」,形容係「有趣的紀念事件」,亦特別標籤咗「#冷氣可以調高 #但我無辦法畀溫暖你」、「#其實議會好多時都好和諧」等。

帖文於網絡引起熱論,有網民讚郭榮鏗有型有款,「有主席feel」,亦有網民認為,蔣麗芸言論提醒冷氣溫度應定喺環保署建議嘅25.5度。

其他報道:【網上熱話】稱「無樓咪白撞」「有樓有高潮」引迴響 被批拜金港女:其實我好貼地

其他報道:【短片】貴陽飼養員直播扯腿扭耳 被網民怒斥「虐虎」 動物園:飼養員與幼虎親密無間

相關字詞﹕編輯推介 蔣麗芸 郭榮鏗 冷氣

上 / 下一篇新聞