港聞

下一篇
上一篇

【Emily Online之美食車】「黯然銷魂漢堡」一個鐘賣晒 聽日加碼賣100個 (21:47)

周星馳喺電影入面有「黯然銷魂飯」,香港美食車嘅「黯然銷魂漢堡」今日亦登場,仲大受歡迎,50個漢堡唔夠一個鐘就賣哂,決定聽日加碼1倍至100個。

其他報道:【網上熱話】稱「無樓咪白撞」「有樓有高潮」引迴響 被批拜金港女:其實我好貼地

主打「黯然銷魂漢堡」、「樺得園×七桌子」美食車今日起動,喺九龍東海旁開業,負責人林瑞華話,每個「黯然銷魂漢堡」賣68蚊,無食客話貴,之前預備50個出售,開檔前已有人預訂咗20個,全數唔夠一個鐘就賣哂喇!佢話銷情比想像中好,決定聽日加碼至100個添!

另外,旅遊事務署公布,新一輛美食車Beef and Liberty已經拎到食物製造廠牌照,本月20日(下周一)率先喺海洋公園外營運,連埋之前開業嘅美食車,總共有12架。

呢12架美食車會定時轉換開檔地點,旅遊事務署今日就安排新一輪抽籤,決定營運場地輪替表,包括海洋公園、黃大仙廣場、迪士尼樂園等8個地點,詳情可以參考旅遊事務處網址

其他報道:城大將推自資獸醫學學士課程 暫收600申請 料收生與醫學牙醫課程相若

其他報道:迪士尼新酒店4月尾開幕 共提供750房間一晚2200元起 上世紀探險黃金時期為主題

相關字詞﹕編輯推介 美食車

上 / 下一篇新聞