港聞

【Emily Online:七警罪成】何君堯對判決感難過 形容七警情有可原 對示威者「小懲大誡」 (20:22)

七警案早前被判罪成,立法會議員何君堯今日同傳媒茶敍講起案件,話對判決感難過,形容七警「情有可原」,因為佢哋唔係「貪贓枉法」,係想對示威者「小懲大誡」,但喺承受巨大精神肉體壓力下,執法時的確過咗火位,佢希望七警「有熱誠嘅人生」,唔會因為呢件事被摧毀,而法官判刑時都可以輕判咁話。

其他報道:【七警罪成】高志森facebook發文炮轟:黃絲法官偏幫亂港反港份子

講到特首選舉,何君堯對中聯辦曾經聯絡自己傾選舉直認不諱,佢話可能自己早已表態支持林鄭月娥,所以嗰通電話都唔係傾得長,笑言「詳細(內容)講畀你聽,驚你出唔到門口」。林太任發展局長時處理丁屋僭建態度強硬,不過身為鄉事嘅何君堯就話,政治無永遠嘅敵人,自己會向對方反映政策意見。

有報道指,特首梁振英下月可能做全國政協副主席,對於香港特首身兼國家領導人係咪有損一國兩制,何君堯就形容,若梁振英身兼兩職,係「more than okay(較還可以更好)」,話大家思維唔應該故步自封,一嚟香港屬於中國,二嚟香港特首做到國家領導人,即係香港影響力可以直達中南海喎!

其他報道:【七警罪成】七被告求情理由一覽 稱佔領期壓力大 案件毀事業人生家庭

其他報道:【七警罪成】官:控方毫無疑點地證明無綫新聞片真實性

相關字詞﹕編輯推介 七警 何君堯

上 / 下一篇新聞