港聞

【Emily Online之特首跑馬仔】鍾國斌願做第150個提名人 送參選人入閘 (21:01)

特首選舉提名期已經開始,各方都關注究竟選委們會點提名,自由黨榮譽主席田北俊,就率先表態會做曾俊華第1個提名人,咁其他自由黨成員又點呢?

自由黨黨魁鍾國斌同Emily講,該黨星期二都開會討論,決定黨友可以自由發揮,相信最終無論係林鄭月娥定曾俊華,都會有黨友提名,至於佢自己呢?鍾國斌就保持神秘,佢話佢要做第150個提名人,無論係曾俊華、葉劉淑儀定係胡國興都好,只要拎到149個選委提名,佢就願意做第150人,送對方入閘咁話,但笑言如果參選人已有足夠提名入閘,亦都唔使佢果票喇。

其他報道:明報特首選舉專頁

其他報道:【特首跑馬仔】未見完整政綱仍決定支持林鄭 何柱國:我一世人唔信人哋政綱,而係信人嘅能力

其他報道:【七警罪成】葉劉料一時之氣盼輕判 林鄭指要諒解紀律部隊情緒反應

相關字詞﹕特首選舉 曾俊華

上 / 下一篇新聞