港聞

【Emily Online:特首跑馬仔】落區派100枝玫瑰 葉劉:一個人過節,也不會感到孤單 (22:44)

特首參選人葉劉淑儀今日趁情人節去咗灣仔囍匯派花,受到唔少市民歡迎。葉太話,本來約咗囡囡Cynthia一齊食飯共度情人節,但個女因為公事需要離港,所以情人節要自己過。

其他報道:葉劉認提名人數落後大熱門 稱目標在「入閘」

葉太拎住100枝玫瑰花落區派發,唔少收花市民都同葉太影相,更有人稱呼葉太「未來特首」。葉太事後喺facebook話,派花期間有同年輕人閒談,有人甜絲絲話今晚有節目,亦有人話自己「未有着落」。

葉太話,希望未有伴侶嘅年輕人早日搵到理想對象,「其實無論男女老幼,你的情人可以是爸爸媽媽、子女,甚至是好朋友,在此祝願大家,今晚過一個愉快溫馨的晚上」。

葉太夜晚再喺fb話,放工收到同事送上士多啤梨朱古力,又收到聖士提反女子中學師妹送嘅兩盤永生花,「為我帶來驚喜之餘,亦感到十分窩心,就算一個人過節,也不會感到孤單」。

其他報道:【Emily online】曾俊華打電話同市民「曾‧connect」 同家長傾教育叫人「選我做班長」

其他報道:林鄭低調丈夫情信「 蒲頭」 稱情人節與妻難拍拖:但我倆的心是相連的

相關字詞﹕ 特首跑馬仔 葉劉淑儀

上 / 下一篇新聞