港聞

【Emily Online】林鄭情人節最冧一句:多謝你(老公)蒲頭 (11:25)

情人節早上,特首參選人林鄭月娥分別出席兩個電台訪問,一開咪就祝大家情人節快樂,仲話希望結婚多年嘅人都可以爭取片刻相聚,不過佢同丈夫就難啲,佢今日都要出席活動見選委,但透露話個性低調嘅丈夫今日將會「蒲頭」。

其他報道:明報特首選舉專頁

林太喺港台節目話,今日會有突破,因為競選網站會上載一篇由丈夫寫嘅情書,但就話好似拍拖時寫嘅肉麻啲喎。

林太其後接受商台節目fb直播訪問都話,「好多人認為林鄭出嚟選,老公都唔出現」,令丈夫都話要「蒲頭支持吓老婆」。問到佢自己有冇份草擬嗰篇情書,佢就話丈夫中文麻麻,所以幫佢改咗幾隻錯字。

到咗直播尾聲,主持人陳志雲話畀機會林太同丈夫講一句「最冧嘅說話」,佢就話「老公,多謝你蒲頭,希望你繼續蒲頭」,陳志雲話「你畀壓力佢,唔啱架」,林太霸氣回應「我老公嚟架喎」,隨即引來哄堂大笑。

【短片:Emily Online】輔警拍情人節MV 提醒小心網購騙案 網民:唔睇個嘴根本係張栢芝

其他報道:情人節詐騙高峰 澳洲發警告

其他報道:【短片】fb情人節前夕放閃 太座短片憶拍拖 爆曾俊華「文青路線」氹女仔

相關字詞﹕特首選舉 林鄭月娥 情人節 特首跑馬仔 編輯推介

上 / 下一篇新聞