港聞

【短片:特首跑馬仔】長毛問會否提名自己 蔣麗芸稱不會打殘對方:上天賜我好生之德 (21:17)

社民連立法會議員梁國雄(長毛)日前宣布,如果拎到3.8萬個公民提名就會參選特首;平日喺議會不時同長毛鬥嘴嘅民建聯立法會議員蔣麗芸(Ann姐)話,如果長毛拎唔到民主派選委150個提名,「我勸你同呢班人(泛民選委)割席,以後改邪歸正,唔好拉布同搞搞震」。

其他報道:【特首跑馬仔】擔心不夠提名入閘? 曾俊華:好驚、好驚、好驚

Ann姐噚日喺facebook上載短片,透露個幾月前,喺立法會嘅電梯口見到長毛,長毛當時同Ann姐講「你會唔會提名我」。Ann姐笑言,當時覺得好愕然,心諗長毛咁夠膽出嚟選特首,自言「上天賜我好生之德」,所以當時無一下子打殘長毛,淨係同長毛講「向你嘅同路人拎夠提名先啦」!

Ann姐話,長毛要拎3.8萬個市民提名應該唔難,指單係新界都有300幾萬市民,3.8萬個提名只係1%市民,「假如你真係拎唔到(3.8萬提名)就唔該你唔好做議員,辭職算喇」。Ann姐仲建議,如果泛民唔提名長毛,長毛就應該同泛民割席,改邪歸正,唔好拉布搞搞震。

其他報道:梁國雄:曾俊華已成「大家造成的神」 籲思考長遠民主方向

其他報道:【特首跑馬仔】盛讚「香港人的光榮」戴德豐表明支持林鄭 唐英年主動挽手密密斟

相關字詞﹕編輯推介 梁國雄 特首選舉

上 / 下一篇新聞