港聞

【Emily Online】曾俊華立法會見自由黨 「又」唔記得帶身分證 (18:39)

連日馬不停蹄四處拜訪選委嘅行政長官參選人曾俊華今日又出動,去立法會見自由黨,不過佢竟然唔記得帶身分證,登記時好鬼尷尬,結果要助理返辦公室攞番先能夠申請進入大樓。

其他報道:明報特首選舉專頁

咪住先,點解情節咁熟架呢,Emily諗諗吓先醒起,鬍鬚叔叔已經唔係第一次唔記得帶身分證架啦,佢2014年11月因為畀人擲雞蛋要上庭作供,準時去到法庭,宣誓時被裁判官要求出示身分證,摸吓衫袋先發現留低咗喺辦公室唔記得帶,都不知幾尷尬,後來好在裁判官酌情批准他先作供再後補證件。

當時辯方大律師都有就身分證問題問曾俊華,佢就話唔係習慣唔隨身帶身分證,只係秘書需要佢張身分證辦理外訪所需嘅簽證文件,先會擺低。

咁唔知今次佢又點解唔記得帶呢!

不過Emily提番句先,根據香港法例,年滿15歲嘅身分證持有人須時刻隨身攜帶其身分證明文件;而按1981年案例,當年時任律政署副刑事檢控專員盧嘉士裁決時話,喺距離自己100碼,即大約等於92米嘅範圍內可以出示到身分證,都當有帶身分證在身處理,唔算違法。

未必次次都有人通融,咁大家出街記得帶身分證喇。

其他報道:聾人因缺手語傳譯誤送青山6天 平機會稱十分關注

其他報道:【朱經緯案】向律政司發公開信 若兩月內仍無動靜 事主律師團擬提私人檢控

其他報道:包剪揼猜輸找侍應講英文 小學生從驚青到自信 童趣感動網民:特首選舉重壓下的另類窩心

相關字詞﹕編輯推介 特首選舉 曾俊華

上 / 下一篇新聞