港聞

【短片:Emily Online之特首跑馬仔】林鄭fb有新片 任志剛撐場:90年代尾與林太同期開始寫網誌 (22:30)

行政長官參選人林鄭月娥噚日正式以「林鄭辦公室」名義開設facebook專頁,繼發布第一段片話自己學識用fb之後,今日又上載咗新片,搵嚟加入咗佢競選團隊做資深顧問嘅金管局前總裁任志剛(Joseph),宣傳與林太同香港人「同行」。

其他報道:明報特首選舉專頁

林太話,感謝Joseph在金融貨幣、經濟財政方面對佢嘅支持同信任,將會喺政綱提出理財新哲學,善用財政儲備,回應市民訴求,與民分享經濟成果,投資未來,對社會作出長遠承擔。

任總喺片段大讚林太「熱心、有能力、遠見及領導能力」,對方宣布參選之後,曾經同佢喺金融、貨幣、財政、經濟等議題上溝通,認為佢可以掌握領導人應該掌握的宏觀策略,所以覺得好放心,話林太適合做下一屆特首。

林太早前曾經透露自己當年係首批寫網誌嘅官員,任總喺片中就話,自己其實同林太差唔多同時開始寫blog,1999年已經寫喇。

Emily見網民反應都幾熱烈,片段上載短短一小時,就有約2000個「嬲」、近300個「like」。

其他報道:【特首跑馬仔】梁國雄明日宣布出選特首

其他報道:唐英年:曾俊華政改23條時間表「非常樂觀」 認同梁振英稱覓地困難

其他報道:張德江稱中央只撐林鄭 胡國興:香港不需「不接地氣、產生更多矛盾」的新特首

相關字詞﹕編輯推介 特首選舉 林鄭月娥

上 / 下一篇新聞