港聞

【Emily Online】胡國興歎車仔麵 讚甘小文「畫得我唔錯」 (22:30)

宣布參選特首嘅胡國興,今日去咗上環一間車仔麵店試食,麵店外牆仲有漫畫家甘小文嘅作品,有齊特首四大熱門參選人曾俊華、林鄭月娥、葉劉淑儀及胡國興,胡官話特登去欣賞一下,仲響facebook圖文並茂,文尾用標籤大讚「畫得我唔錯」。

其他報道:【曾俊華政綱】政改不提8‧31? 曾俊華:關鍵環節不可能迴避

胡官話,噚日聽聞上環麵店外牆有甘小文嘅漫畫,「仲包括我們幾位特首參選人的卡通公仔,所以今天就過去欣賞一下,順便買碗外賣車仔麵」。胡官大讚車仔麵及漫畫「同樣原汁原味,夠地道!」

胡官又透露,餐廳顧問Wilson曾經放棄加拿大高薪厚職,返香港創業,仲揸起鑊剷,學炒咖哩魷魚,榮休後再幫朋友做顧問,開埋車仔麵專門店,令佢諗起出名醒目識變通嘅香港人。

其他報道:明報特首選舉專頁

其他報道:【特首跑馬仔】胡國興、葉劉淑儀、曾俊華政綱重點一覽

其他報道:【多圖:特首跑馬仔】民建聯數十人晤葉劉 比見林鄭少一半 李慧琼數與葉太相似處

相關字詞﹕ 胡國興 特首選舉 編輯推介

上 / 下一篇新聞