港聞

【短片:Emily Online】入政府36年 林鄭搬屋發現便利店無廁紙賣:好多嘢要適應學習 (17:25)

特首參選人林鄭月娥大學畢業之後加入政府36年,上星期第一次冇任何公職。佢晏晝見傳媒話,有唔少嘢要重新適應,仲同Emily分享其中一樣。

林鄭話自己噚日搬新屋,去到午夜都仲搬緊嘢,但係就住唔到喺嗰到,因為間屋個廁所冇廁紙!林鄭話,「我就走咗去嗰到嗰間便利店,諗住買一、兩卷廁紙啦,但係原來便利店係無廁紙賣架!結果要搭的士,半夜三更返去政務司長官邸」。

佢又話,呢幾日佢「一生人發生咗好多事」,有好多嘢要適應同學習。

前日林太落區搭南港島線,喺出閘機拍完卡之後企定定,要助手提醒先至出閘,當時有網民批評林太「離地」,但亦有網民質疑「有無咁誇張」。

葉劉盼有公平選舉 尊敬林鄭服務精神

獲邀任競選辦副主任 體育界選委陳念慈:不信林鄭說傷害別人說話

相關字詞﹕特首選舉 特首跑馬仔 林鄭月娥

上 / 下一篇新聞