港聞

【短片:Emily Online】雷頌德化身「案件主管」 現身警訊教拆解電話騙案 獲Wilson Sir「贈」兩飯盒 (19:41)

警訊經常都提巿民要小心電話騙案,不過到依家都仲係不時聽到有電話騙案發生。音樂人雷頌德就喺警訊分享下點樣預防電話騙案!

其他報道:【Emily Online】工黨推「特首跑馬仔棋」 被屈唔「愛國愛港」要罰停一回合

今日警察facebook上載咗一條預告片,裏面有真正總督察譚浩信(Wilson Sir)同埋分演「案件主管」嘅雷頌德。片段講到,嚟緊會有一個叫做「危鈴」嘅行動,全方向多角度咁同大家拆解電話騙案細節。

拆解過程會由今個月27日起,分三集喺警訊播出,提醒大家千祈唔可以錯過。Emily好期待呀,不過就發現,預告片叫大家小心唔好墮入騙徒圈套,字幕就打咗做「墜」入,希望負責字幕嘅朋友仔都小心啲啦!

雷頌德喺預告片問Wilson Sir,自己扮得似唔似佢,Wilson Sir話都還可以,不過就差咗少少氣勢咁話,事後仲好大方咁叫霞姨比咗兩個飯盒雷頌德添!

其他報道:張建宗:下屆政府或要檢討稅制

其他報道:接棒「好打得」司長 張建宗笑言自己「做得」 願繼續服務不介意崗位

相關字詞﹕編輯推介

上 / 下一篇新聞