港聞

下一篇
上一篇

【Emily Online】工黨推「特首跑馬仔棋」 被屈唔「愛國愛港」要罰停一回合 (15:48)

隨着前財政司長曾俊華昨宣布參選,正式起跑,特首選戰愈演愈烈,連工黨都趁熱鬧,推出「特首跑馬仔棋」,等市民都可以親歷吓呢場小圈子選舉喎。

其他報道:明報特首選舉專頁

工黨標榜呢個遊戲係全自家構思同香港製作,有6隻棋子,上面印有參選人嘅卡通公仔,包括胡國興、葉劉淑儀、林鄭月娥、曾俊華,仲有曾經話考慮參選嘅曾鈺成,最後一隻就係「問號人」,為大家留返多啲幻想空間。

遊戲玩法主要係擲骰仔、行棋同抽牌,最快兜一個圈到終點就勝出。遊戲牌顯示唔同情況,其中有隻牌就寫住「愛港愛國」,上面有個大交差,抽中就需要罰停一個回合,背後意思係「被人屈:被其他參選人同阿爺你唔『愛國愛港』,令你選情受屈」,唔知有咩影射呢?

工黨話希望用香港近年發生嘅政治事件同現時嘅選舉機制為背景,讓玩家親歷小圈子下嘅選舉遊戲,集趣味同通識教育於一身。

除咗「特首跑馬仔棋」,工黨仲會推出喺維園年宵推出其他產品。維園年宵將會喺1月22日至28日舉行。

其他報道:證實江湖傳聞 張建宗做9年局長未放過假!

其他報道:曾俊華寫「莫忘初心」鼓勵自己 主持播歌《紅綠燈》問感受 曾:睇唔到燈喎

相關字詞﹕特首選舉 胡國興 葉劉淑儀 林鄭月娥 曾俊華 曾鈺成 編輯推介

上 / 下一篇新聞