港聞

下一篇
上一篇

【Emily Online】曾俊華寫「莫忘初心」鼓勵自己 主持播歌《紅綠燈》問感受 曾:睇唔到燈喎 (11:15)

特首參選人曾俊華今早接受商台節目《在晴朗的一天出發》訪問,同較早前已宣布參選的前政務司長林鄭月娥一樣,都被安排進行facebook直播同網民互動吓,被問到最想人哋點叫佢,薯片叔叔好唔好,佢就話都係鍾意人稱呼佢「John」。

其他報道:明報特首選舉專頁

主持陳志雲就話公平起見,要曾俊華同林太一樣寫低一句鼓勵自己參選嘅說話,林太上次就寫返政改期間喺立法會寫低個句「太上心,要保重身體」,而「番書仔」曾俊華一開始問係咪要寫中文,之後仲嘆一口氣話「好難寫喎」。原來曾俊華係寫上4個字「莫忘初心」,陳志雲隨即取笑佢「嗱,識中文架」。

主持又要John揀歌詞形容今次參選,John就揀咗一首英文歌《The Sound Of Silence》,因為好鍾意當中句歌詞「the words of the prophets/ Are written on the subway walls」,他解釋呢句說話好似目前情況,市民心聲已經好明顯寫晒出來,所以要改變呢種情況。陳志雲其後播放廣東歌《紅綠燈》,仲講明「明明綠燈/轉眼變成紅燈/假使相當勇敢/怎可挽回自身」這句歌詞是重點,問John有咩感覺,佢就笑笑口話「睇唔到燈喎」,又話「色盲啊,紅綠不分」。

其他報道:【特首跑馬仔】曾被利誘不選特首? 曾俊華:唔能夠講有定無

其他報道:【特首跑馬仔】曾俊華指宣布參選市民回應正面 笑稱至少有一票是好開始

其他報道:【特首跑馬仔】曾俊華:人大8.31是基礎 若氛圍與2014年相似不會重推政改

相關字詞﹕特首選舉 曾俊華 林鄭月娥 編輯推介

上 / 下一篇新聞