港聞

【多圖:Emily Online】曾俊華fb上載參選幕後花絮靚相 網民笑言:好似嫁女咁! (21:54)

前財政司長曾俊華今日正式宣布參選特首,新開嘅facebook專頁直播記者會狂吸網民超過2萬個讚好,傍晚「薯片叔叔」團隊更加精選咗今日9張相上載去fb開心share,1小時內已獲近8000個Like,網民笑言,相片係「電影級構圖」,仲有出嫁嘅感覺添!

其他報道:【曾俊華選特首】「薯片叔叔」仕途34年 金句逐句數

曾俊華上載嘅9張相,包括今日宣布參選嘅台前幕後花絮,太太黃蓮華及大仔曾雕龍(Terrence)都有出鏡,前者幫「薯片叔叔」打呔,後者幫手搽香薰油,等爸爸可以放鬆,場面溫馨。圖輯上載1小時已吸接近8000個讚好,「薯片叔叔」仲好鬼感性,留言「這是漫長的一天,感謝有你們的陪伴與支持」。

網民似乎相當受落,大讚兒子貼心,太太係美麗大方賢內助,亦有人用藝術角度欣賞呢輯相,「根本就係電影級構圖」;不過亦有網民笑言,整輯相構圖似足結婚出嫁,「好似嫁女咁影」,更加有網民「突破盲腸」,發現枱面小食有餅乾但冇薯片,反問:「薯片呢?薯片呢?枱面點可以冇薯片架?!」

其他報道:【曾俊華選特首】99年升任海關關長棄美籍 家人仍擁美國籍

其他報道:記者會妙問妙答 曾俊華稱「我唔係話我好打得,係幾打得」引全場笑聲

相關字詞﹕編輯推介 特首選舉 曾俊華

上 / 下一篇新聞