港聞

下一篇
上一篇

【Emily Online】曾俊華參選直播 45分鐘吸1.3萬likes 嬲嬲過百 (16:48)

特首選戰形勢微妙,雖然話無得一人一票選特首,但民意所向被指對今次選舉同樣舉足輕重。咁講到民意就不得不提提facebook表情符號功能,幾多likes幾多個嬲嬲一覽無遺,特別係做緊直播嘅時候,每個表情符號在畫面前飛過,心心同likes就話啫,全版嬲嬲都幾觸目驚心。

曾俊華今日新開fb粉絲專頁等記者會做直播,吸引咗成萬人一齊睇,而且大家都畀足反應,直播咗45分鐘都表情符號不絕,唔少都係「likes」或者心心,嬲嬲就小貓三四隻,睇數據知真相,直播45分鐘佢就成功吸咗1.3萬個「likes」,2700個心心,而「嬲嬲」呢就大約有104個。

不過呢emily就發現佔領運動靈魂人物、學聯前副秘書長岑敖暉就似乎對佢不太賣帳,畀咗個嬲嬲曾俊華。

曾俊華喺佢答記者提問期間,話自己成日都會睇facebook嘅留言,仲特登多謝網上支持佢嘅人同街上見到佢嘅市民,當提到呢一句時,有網民即刻留言,「講緊我哋呀!」似乎曾俊華「賣口乖」都俘虜到唔少網民嘅心。

Emily仲發現,曾俊華今日上台發表競選宣言時揸住個好鬼搞笑,印咗佢個嘜頭嘅電話殼,呢個電話殼係佢先排訪問手機殼公司時嘅禮物,當時佢已經話好鍾意,笑言確認咗佢「薯片代言人」嘅身分。

其他報道:稱建屋兼顧自然環境 曾俊華:如無郊野,生活不完整

其他報道:曾俊華宣布以「最嚴肅最謙卑心情」參選特首

其他報道:【Emily Online】食住薯片睇曾俊華參選直播 陳淑莊:未出花生味薯片添

相關字詞﹕編輯推介 特首選舉 曾俊華

上 / 下一篇新聞