港聞

下一篇
上一篇

【Emily Online:特首跑馬仔】「梁粉」陳啟宗大讚西九故宮有意義 避答故宮爭議施政報告 (17:38)

「香港明天更好基金」今日喺灣仔君悦酒店舉行傳媒茶敘,簡介新一年動向,由基金行政總裁鄧淑德主持。同場仲有基金理事、新光酒樓集團常務董事總經理胡珠、稻香集團行政總裁梁耀進。

其他報道:非中醫施艾灸被指無牌行醫 辯方:按摩師按穴紓痛也算中醫? 專家證人:運用中醫理念即算

曾表明支持梁振英連任的基金執行委員會主席、恒隆地產董事長陳啟宗一入場就畀記者問,點樣評價梁振英任內最後一份施政報告,可惜陳大耍太極話由朝早8點開會到下晝,仲未得閒睇施政報告,所以無可奉告。

不過一講到故宮,佢就滔滔不絕話自己同故宮已經結緣22年,一向合作愉快,陳啟宗形容故宮來港係一件天大好事,因為故宮從未去過其他地方設館,所以覺得故宮館好有意義。

被問到點睇林鄭月娥在任政務司長時,喺西九推行故宮館引來社會批評,佢又再帶記者遊花園,話自己與傳媒同步知悉林太與故宮簽署備忘錄,仲話林太舊年擔任恆隆數學獎主禮嘉賓時都無透露畀佢聽。

至於林太係唔係佢心水嘅特首人選,陳啟宗就話佢只係1200個選委其中一個,要再睇吓先。

其他報道:司榮彬申撤銷還1500萬 開庭未備妥誓章遭駁回 官斥:準備好先嚟申請啦

其他報道:【曾蔭權案】何周禮:從無就曾宅設計與黃楚標接觸

相關字詞﹕特首選舉 特首跑馬仔 林鄭月娥 編輯推介

上 / 下一篇新聞