港聞

下一篇
上一篇

【短片:Emily Online:特首跑馬仔】陳志雲讚除眼鏡樣「柔情好多」 林鄭:唔好玩啦,阿姐你都玩 (12:16)

前政務司長林鄭月娥今早第一次用特首參選人身分上電台接受訪問,商台仲喺facebook直播,亦係林太嘅第一次。貪玩嘅主持陳志雲就叫林太畀網民睇下唔戴眼鏡嘅樣,當林太除低眼鏡個刻,陳志雲大讚「柔情好多」,仲叫佢對鏡頭笑一笑,林太笑住話「唔好玩啦,阿姐你都玩」,惹來一陣大笑,成間錄音室即刻輕鬆晒。

其他報道:明報特首選舉專頁

林太上節目開頭,主持問希望市民點樣稱呼佢,佢就話叫「林太、Carrie、Madam」都得。咦?點解係Madam呢?林太就解釋佢以前好鍾意紀律部隊同事叫佢Madam,就好似當咗佢係一分子咁。咁「奶媽」又好唔好?林太即刻話「最好唔好」。

4位熱門特首參選人淨係得林太一個仲未有facebook,林太就話暫時都無計劃,競選期間都應該唔會開喎。如果做咗特首呢?佢就話呢個會重點研究,希望搵更多途徑直接同市民溝通。

佢仲特別強調,自己係第一個寫網誌嘅官員,好願意溝通,佢唔希望開咗個facebook就叫人幫佢管理,但而家急住學習又要做得好係有困難,所以都係遲啲先算。

其他報道:上帝感召? 林鄭:每日好多煩惱,信仰好重要

其他報道:葉劉感委屈落淚 林鄭:Regina,你很有擔當 直言佩服葉太接受選舉洗禮

相關字詞﹕特首選舉 林鄭月娥 特首跑馬仔 林鄭月娥 編輯推介

上 / 下一篇新聞