港聞

下一篇
上一篇

【Emily Online:特首跑馬仔】除鞋見IT選委 胡國興著穿窿襪:物盡其用 (21:38)

特首選戰至今已經有3人宣布參選,包括林鄭月娥、葉劉淑儀同胡國興(胡官),佢哋連日都頻頻落區。胡國興今晚就同咗表明支持真普選、反對梁振英連任嘅資訊科技界選委「IT Vision」會面,因為場地係木地板,入場時要先除鞋,畀Emily發現到胡官右腳隻襪穿咗一個窿。Emily之後問返胡官,佢就話:「人盡其才,物盡其用,我的生活態度。嘻嘻!」

胡官呢排都馬不停蹄咁周圍去見唔同嘅人,仲係facebook話屋企都番遲咗。胡官夜晚喺fb度貼咗張沙律相,話最近都係多菜少肉,食得簡單對身體好,一個沙津就已經夠晒喇!

胡官仲話佢近日都「安步當車」,意外地減咗足足15磅咁多!似乎胡官係減肥同保健方面都有少少心得喎!

另外,胡官亦都喺fb表示,噚晚同咗社福界學者會面,討論房屋短、中、長期措施,短期包括喺政府閒置地同空置校舍興建臨時房屋;中期措施包括檢討市建局、房協等角色,同埋興建青年及長者宿舍;長期措施就必須加快興建公屋同居屋,包括收回棕地規劃發展。

胡官今朝亦見咗Sharing Economy Alliance幾名青年,談及共享經濟。佢話「新經濟發展營運模式已進軍各國,但我們的法例未有與時並進」,佢認為係時候制訂政策同檢討法律框架,加入適用法例去跨部門規管新興行業。

其他報道:林鄭會展競選辦有保安看守 夏佳理現身但封口

其他報道:鄉議局選委捆綁投票 須看政綱 劉業強讚林太處理丁屋妥當

其他報道:服刑時長髮被剪 梁國雄覆核懲教工作守則獲勝訴 懲署考慮適當跟進

相關字詞﹕編輯推介 特首選舉 胡國興

上 / 下一篇新聞