港聞

【Emily Online:特首跑馬仔】葉劉稱司機放假搭港鐵 感謝乘客市民支持鼓勵 (23:20)

政務司長林鄭月娥今日獲得中央批准辭職,隨即就宣布加入特首選舉呢個戰圈。早前已經宣布會參選嘅葉劉淑儀,今日就繼續佢嘅競選行程,早上出席咗劉慧卿嘅網台節目《議會內外》訪問。葉太下午亦都喺佢facebook貼咗搭港鐵嘅相,原來噚日佢司機放假,佢就選擇咗搭港鐵東涌線去拜訪佢嘅特別顧問鍾逸傑。

其他報道:【特首跑馬仔】葉劉指對手強勢光環大 嘆大公報道少致「蝕底」 聽慣被指「葡萄」

圖片所見,葉太當時搭嘅列車都算擠迫,不過佢都仍然有空間留一留影,有市民見到佢都面露笑容,葉太就話,感謝車上乘客同街上市民對佢嘅支持同鼓勵,佢定必加倍努力,不負大家嘅期望。佢又提到拜訪鍾逸傑時向佢請教咗參選嘅事,獲益良多咁話。

另外,葉太較早時亦都發新聞稿,話佢同競選團隊日前同咗十幾名醫學界選委會面,討論咗香港醫療體系各種問題,佢話將會繼續積極約見不同黨派及組織爭取支持。

其他報道:明報特首選舉專頁

其他報道:【特首跑馬仔】上帝感召? 葉劉:不想擺上帝上枱 認部分選委轉軚撐林鄭

其他報道:曾俊華fb報行蹤 訪新界西談了解民生 稱日內交代去向

其他報道:胡國興與年輕學者午膳 讚充滿活力鬥志 稱對港未來充滿信心

其他報道:【Emily Online】林鄭開fb?用五星旗照、澄清天主非上帝 原來係假專頁

相關字詞﹕編輯推介 特首選舉 葉劉淑儀

上 / 下一篇新聞